EUREKA VISIONS
De l'émotion, pas d'illusions.
Numéro 37 / Sommaire
|
|
EUREKA VISIONSDe l'émotion, pas d'illusions.
|
Lou poemo dou Rose (Lou Dra)
|
|
E davalavo. Mai, jusquo à la cencho Epièi plus aut, de se senti vestido Pèr lou mantèu ufanous de la riaio, Pensè plus qu'au bonur de tout soun èstre Mescladis, counfoundu' me lou grand Rose. Souto si pèd l'aréno èro tant douço! Uno michour, ono frescour tebeso D'un imourous chalun l'agouloupavo A flou de pèu, a flour de carnaduro, Vesiadamen li vertoulet de l'oundo Lè fasien de poutoun, de sousselegue, En murmurant de suàvi paraulo Que i adusien l'espaime de plasènço... Quand tout d'un- d'un- cop, dins l'aigobouleguivo E trelusènto i rai de la laguno Eilalin founs, espandi sus la mousso D'un jas esmeraudin, que te vai veire? Un bèu jouvènt que iè fasiè cahiero. Enroula coume un dièu, blanc coume evori, Oundejavo emè l'oundo e sa man linjo Teniè ' no flour d'esparganèu sauvage Que presentavo à la jouvènto nuso, E de si bouco atremoulido e marfo Sourtien de mot d'amour o de mistèri Que s'esperdien dins l'aigo incoumprensible. De si dous iue catarèu, pivelaire, Eu la fasiè veni , gravoujo, nèco, Desalenado e barbelanto, au rode Ounte lou cors e l' amo cridon sebo Enclauso dins lo rièu pèr l'escaufèstre Emai pèr un deleitamen estrange, Ero, la pauro, aqui coume un que sounjo, Qu'es esglaria pèr quauco pou counfuso E que , de courre, aco i'es impoussible. E quand durbié lis iue vers lou trevaire Qu'envirouna de sa lusour lachenco Semblavo l'espera dins si bras souple, Un frenimen d'amour invoulountàri Souto lou cèu la jitavo en languino E iè fasiè plan-plan mouri li veno... |
" A l'exception d'Homère, nous n'en avons lu aucun qui ait pour nous un charme plus inattendu, plus naîf, plus émané de la pure nature..." Lamartine
Frédéric MISTRAL (1830 - 1914) |
